Lid wêze fan Halleluja, wat betsjut dit eins?
 |
Kristlike
Sjongferiening Halleluja út Bitgummole is in mingd koar. It is oprjochte op 12
augustus 1893 en de feriening bestie yn 2018 125 jier. It koar hat op it heden
(juny 2023) 44 leden. De leden komme út Berltsum, Bitgum, Bitgummole, Ingelum,
Minnertsgea, Sint Anne, Stiens en Tzummearum.
De repetysjes fan it koar
binne op woansdeitejûn fan 19.30 oant 21.30 oere (en dêrnei is der foar de
leafhawwers in tredde helte). Om 20.30 oere is der skoft. De kofje/tee/fris
moatte jimme sels efkes ôfrekkenje oan de bar.
De repetysjes wurde
hâlden yn:
De Molewjuk, J.H. van Aismawei
19, 9045 PT Bitgummole til.(058) 2531803
De kontribúsje is (op
dit stuit) € 15,- yn de moanne. We betelje dizze kontribúsje foarôf.
De kontribúsje kin elke
earste woansdei fan de moanne betelle wurde oan de skathâlder.
It bedrach mei ek
oermakke wurde nei banknûmer: NL27 RABO 0341 7084 53 op namme fan Kr.
Sjongferiening Halleluja.
As regel is der gjin
repetysje tusken kryst en âld en nij en ek net yn de simmerfakânsje (dus yn
july en de earste wiken fan augustus) wurdt der net songen. Meastentiids
begjinne we nei de fakânsje sa op 20 oant 25 augustus wer.
De bydrage oan de
kontribúsje giet trouwens gewoan troch.
En wêr sjonge wy foar?
Yn it earste plak foar ússels, om meielkoar te sjongen.
Mar fansels wolle we ús ek wolris hearre lite. We ha sa no en dan in
konsert/optreden, en we dogge in pear kear yn it jier mei oan in
tsjerketsjinst. Meastentiids is it program in pear moannen oant in jier fan te
foaren bekind en dan wurdt der drok foar oefene. 
De opkomst op de
repetysjejûnen is goed te neamen. En as je beslist in kear net kinne dan is dat
jammer foaral foar jesels want je misse hiel wat. Mar ek foar de oaren is it ek
goed dat elts der safolle mooglik is want je wenne oan je buorfrou en buorman.
Dêrom kin in goede sjonger/sjongster ek samar net mist wurde. Der is dan ek de
oprop oan de leden om mei namme flak foar in optreden trou op de repetysje te
kommen en fansels op de útfiering.
It wurdt op priis steld
dat in ôfwêzigens oan it bestoer trochjûn wurdt.
Ien kear yn it jier is
der in jiergearkomste, sa yn febrewaris-april. Dit wurdt meastentiids hâlden
nei it skoft fan in repetyssjejûn. We komme hjir fansels allegearre. As regel
wurdt der op de earste sneon fan septimber in fytstocht organisearre.
We ha gjin fêst
kostuum, mar de froulju binne meast yn it swart mei in kleurd aksint. Dit kin elke kear in oare kleur wêze en hinget
ek gear mei de tiid yn it liturgysk jier. De manlju binne ek yn it swart.
Der bestiet ek in blog
fan it koar: hallelujabitgummole.blogspot.com Dêr fine jo in soad ynformaasje en foto’s fan
it koar.
